خلّ كل نهاية أسبوع على مشروعك تفرق
مجتمع خاص للمؤسسين اللي يشتغلون على منتجاتهم التقنية بجانب وظائفهم. سواء عندك فكرة، أو منتج أطلقته — تعرف خطوتك الجاية وتتقدّم بثقة.
المشكلة
شهور تمر، وفكرتك في نفس المكان
بدأت بحماس، خصصت وقتك، جرّبت أدوات الذكاء الاصطناعي، ويمكن حتى بنيت نموذج أولي. بس لما تنظر للوراء — وش اللي تحرّك فعلاً؟
أشتغل على المشروع… بس ما أدري إذا أتقدّم صح.
تمشي بلا خريطة
ما تدري وش تركّز عليه الحين، ولا وش الخطوة الجاية. فكل قرار يصير تخمين، وتتعلم بالطريقة الصعبة.
تبني بسرعة… بس ما تعرف تكمل
الذكاء الاصطناعي يوصّلك لنموذج بسرعة، بعدها تضرب جدار: كل ما تعدّل شي، يطلع خطأ ثاني — وبدون معرفة تقنية، تدور في دوّامة.
لحالك، الطريق يطول
ما فيه أحد يراجع شغلك أو ينبّهك قبل ما تضيّع شهور. تمشي في الاتجاه الغلط… وأنت ما تدري، والحماس يخفت بهدوء.
الحل
كيف يساعدك المجتمع
هنا ما نتكلم عن المشاريع… نحركها.
تعرف خطوتك الجاية
خريطة طريق توريك وين أنت بالضبط، وش أهم خطوة الحين، وأفضل أداة تستخدمها. ما تخمّن بعد — تعرف.
تجاوز أي مشكلة
أي مشكلة تواجهك، غالبًا فيه أحد بالمجتمع عداها قبلك. فبدل ما تدوّر الحل لحالك أسبوع، تلقاه عند ناس مرّوا فيها.
كل أسبوع، خطوة للأمام
كل نهاية أسبوع تشارك وش سوّيت ووش معطّلك. مو إلزام — بس هذا اللي يخليك ماشي بحماس.
من يرافقك في الرحلة
فريق العمل
في بِلد ستريت ما تمشي لحالك. ورا المجتمع شخصين مشوا الطريق قبلك — بنوا، أطلقوا، ودرّبوا آلاف غيرك.
د. عبدالرحمن الحريري
بدأ من حيث ستبدأ — بفكرة بناها مشروعًا ريادياً ناجحًا، ثم كرّس خبرته لتدريب رواد الأعمال وإرشادهم.
- درّب وأرشد آلاف رواد الأعمال عبر منترني والكورسات وورش العمل.
- ساعد أكثر من 50 مشروعًا ريادياً في اختبار فكرته ودخول السوق.
- مؤلف كتاب «استكشاف الأفكار» — ووقّعت أرامكو السعودية اتفاقية لتوزيع مليون نسخة منه.
- دكتوراة في الابتكار، ويُدرّس ريادة الأعمال في كلية الأمير محمد بن سلمان.
عبدالعزيز الظاهري
مطور وقائد منتج، أكثر من 13 سنة يبني منتجات رقمية من الصفر — كود وتصميم وإطلاق.
- صمّم مسار تطوير المنتج في برنامج Attliq ودرّب من خلاله آلاف رواد الأعمال.
- أكثر من 13 سنة يبني منتجات رقمية من الصفر، كود واستراتيجية.
- رئيس المنتجات والتقنية في Startups House.
- وجّه رواد الأعمال فردياً في أولويات المنتج والوصول للسوق.
وش تحصل عليه
كل شي تحتاجه عشان تتقدّم — في مكان واحد
خريطة طريق عامة
متاحة للكل بدون اشتراك. تعرف منها مراحل رحلتك من الفكرة لأول نمو.
مجتمع ديسكورد
قلب المجتمع — هنا تتحرك يومك:
- متابعة أسبوعية لتقدّمك
- ملاحظات وتبادل مهارات
- حلول لمشاكل التقنية
- مصادر وأدوات مختارة
لقاء شهري
ورشة، حوار مؤسس، أو مراجعة مشاريع.
جاهز تبني؟
بِلد ستريت مجتمع يجمع ناس يبنون مشاريعهم على أرض الواقع. إذا عندك مشروع — أو فكرة جاهز تبدأ فيها — وتبي تنقلها خطوة للأمام مع ناس مثلك، قدّم وخلنا نتعرف عليك. نقرأ كل طلب بأنفسنا ونرجع لك.